Azərbaycan, Bakı, 3 may /Trend, müxbir E.İsmayılov/
Son on ildə Azərbaycan iqtisadiyyatına yatırılan sərmayələrin həcmi 84 milyard manat təşkil edib. Trend-in məlumatına görə, bu barədə cümə günü "Heydər Əliyev və Azərbaycanda mülkiyyət sahəsində islahatlar" elmi-praktik konfransında çıxışı zamanı Prezident Administrasiyasının İqtisadi siyasət məsələləri şöbəsinin müdiri Mail Rəhimov bildirib.
Onun sözlərinə görə, bu əsasını Azərbaycanın ümummilli lideri Heydər Əliyevin qoyduğu siyasət nəticəsində mümkün olub.
Rəhimov vurğulayıb ki, əgər yatırılan sərmayələrin 60 faizdən çoxu xarici investisiyaların payına düşürdüsə, indi göstərilən 84 milyon manat sərmayənin 65 faizi daxili investisiyanın payına düşür.
Hazırda Azərbaycanda dünyanın 30-dan çox ölkəsindən, xarici kapitalla təxminən 240 şirkət fəaliyyət göstərir ki, bu da iqtisadiyyatın xüsusilə xarici investisiyalar üçün açıq olduğunu göstərir, - Rəhimov bildirib.
