...

Azərbaycanda ödəniş kartlarının sayı 5,3 milyon ədədi ötüb

Biznes və iqtisadiyyat xəbərləri Materials 7 Avqust 2013 19:02

Trend-i buradan izləyin

Azərbaycan, Bakı, 7 avqust /Trend, müxbir A.Axundov/

Azərbaycanda ödəniş kartlarının sayı iyunda 1,14 faiz artaraq 5,301 milyon ədədə çatıb. 2012-ci ilin müvafiq dövrünün göstəricisi ilə müqayisədə onların sayı 9,84 faiz artıb. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.

İyunda bankomat və POS-terminallar vasitəsilə ödəniş kartları üzrə ümumi dövriyyə 773 milyon manat, əməliyyatların ümumi sayı isə 5,094 milyon ədəd təşkil edib.

Debet kartlar üzrə əməliyyatların ümumi sayı 4,38 milyon ədəd, dəyəri isə 649 milyon manat olub.

Ölkə daxilində debet kartlar üzrə əməliyyatların ümumi sayından bankomatlar vasitəsilə 549 milyon manat məbləğində 3,7 milyon, POS-terminallar vasitəsilə 37 milyon manat məbləğində 319 min əməliyyat yerinə yetirilib.

2013-cü il iyulun 1-nə olan məlumata əsasən, ölkədə 2351 bankomat fəaliyyət göstərib, onlardan 1324 ədədi Bakıda, 1027 ədədi isə ölkənin digər şəhər və rayonlarında yerləşir. Bankomatların ümumi sayı il ərzində 124 ədəd və ya 5,57 faiz artıb.

2013-cü il iyulun 1-nə olan məlumata görə, POS-terminalların sayı 37 166 ədəd təşkil edib ki, onlardan 33 284 ədədi Bakıda, 3882 ədədi isə digər şəhər və rayonlarda yerləşir.

POS-terminalların sayı 2012-ci ilin iyunundan etibarən 856 ədəd və ya 2,35 faiz artıb.

Məqalədə:
Xəbər lenti

Xəbər lenti