Azərbaycan, Bakı, 10 sentyabr /Trend, müxbir E.İsmayılov/
Gürcüstan və Türkiyə ərazilərində relyefin mürəkkəbliyinə baxmayaraq, Bakı-Tbilisi-Qars dəmir yolu 2014-cü ildə istismara veriləcək. Trend-in məlumatına görə, bu barədə çərşənbə axşamı jurnalistlərə nəqliyyat nazirinin müavini Musa Pənahov deyib.
Nazir müavininin sözlərinə görə, ilin sonunda bu marşrut çərçivəsində ilk texniki qatar və lokomotivlərin göndərilməsi planlaşdırılır:
"Tikinti işləri çox çətin şəraitdə aparılır. Belə ki, dəmir yolunun Türkiyə və Gürcüstan hissələrində çox mürəkkəb dağ relyefi var ki, bu da müəyyən çətinliklər yaradır. Buna baxmayaraq, işlər uğurla davam etdirilir".