Azərbaycan, Bakı, 12 yanvar /Trend/
Əlverişsiz və qarlı hava şəraitinə baxmayaraq, Heydər Əliyev Beynəlxalq Hava Limanında təyyarələrin qəbulu və yola salınması ilə bağlı problem yoxdur. Bu barədə Trend-ə aeroportdan bildiriblər.
Bakıya gələn və paytaxtdan uçan bütün aviareyslər cədvələ uyğun həyata keçirilir.
Aeroportdan deyiblər ki, hava şəraiti aviareyslərin həyata keçirilməsinə təsir etməyib: "Bütün reyslər müəyyən edilmiş qrafikə uyğun həyata keçirilir".