Azərbaycan, Bakı, 7 yanvar /Trend, müxbir E.Əliyev/
Dünya Bankı (DB) Azərbaycanda əməliyyatlar üzrə yeni strategiyanın hazırlanmasına başlayır. Bu barədə Trend-ə bankın Bakı ofisindən məlumat veriblər.
Nümayəndəlikdən bildirilib ki, yanvar ayı ərzində ölkə hökuməti, özəl sektor və ictimaiyyət nümayəndələri ilə məsləhətləşmələrə başlanacaq. Sənədin hazırlanması bütün il ərzində həyata keçiriləcək".
Yanvarda bankın strategiyasının müzakirəsi üçün DB-nin Cənubi Qafqaz üzrə regional direktoru Henri Keralinin Azərbaycana səfəri gözlənilir.
2011-2014-cü illərə hesablanan əvvəlki strategiyanın reallaşdırılması ilin ortalarında başa çatacaq.
Bankın Bakı ofisindən bildiriblər ki, DB-nin Azərbaycanda strategiyası bir neçə yeni fəaliyyət növünü özündə birləşdirəcək.