Azərbaycan, Bakı, 15 sentyabr /Trend/
"FINCA Azerbaijan" Qeyri-Bank Kredit Təşkilatı müştəriləri üçün icra etdiyi "Hədiyyəli Kredit" stimullaşdırıcı lotereyası çərçivəsində II tirajını 10 Sentyabr 2014-cü il tarixində həyata keçirdi. Bu barədə Trend-ə FINCA-dan məlumat verilib.
II tirajın qalibləri 07 avqust - 05 sentyabr tarixlərində məbləğindən asılı olmayaraq FINCA Azerbaijan-dan kredit götürmüş müştərilərin arasından xüsusi hazırlanmış proqram vasitəsilə seçilmişdir.
Ümumilikdə, 07 iyul - 05 sentyabr tarixlərini əhatə edən "Hədiyyəli Kredit" stimullaşdırıcı lotereyası çərçivəsində uduş fonduna daxil olan 256 ədəd müxtəlif hədiyyə oynanılmışdı.
Stimullaşdırıcı lotereyanın II tirajının nəticələri haqqında ətraflı məlumatla təşkilatın internet ünvanı www.fincaazerbaijan.com saytına və bura daxil olmaqla tanış ola bilərsiniz.