...

Azərbaycan iqtisadiyyatına yatırılan xarici investisiyalar 18 faiz artıb

Biznes və iqtisadiyyat xəbərləri Materials 16 Sentyabr 2014 20:40 (UTC +04:00)

Trend-i buradan izləyin

Azərbaycan, Bakı, 16 sentyabr /Trend, müxbir Azad Həsənli/

2014-cü ilin yanvar-avqust aylarında Azərbaycan iqtisadiyyatına qoyulan xarici investisiyaların ümumi həcmi 3 091,9 milyon manat təşkil edib ki, bu da ötən ilin müvafiq dövrü ilə müqayisədə 17,9 faiz çoxdur. Trend-in məlumatına görə, bu barədə Dövlət Statistika Komitəsinin hesabatında deyilir.

Xarici ölkələr və beynəlxalq təşkilatlar tərəfindən yanvar-avqust aylarında Azərbaycan iqtisadiyyatına yatırılan investisiyaların 79,9 faizi (2,4 milyon manatdan çox) Böyük Britaniya, Norveç, Türkiyə, ABŞ, Fransa və Yaponiya investorlarının payına düşür.

Əvvəlki kimi Böyük Britaniya liderlik mövqeyini qoruyur. Onun xarici investisiyaların ümumi həcmində xüsusi çəkisi 32,1 faiz, investisiyaların özü isə 991,350 milyard manat təşkil edib. Norveç investisiyaları 563,252 milyon manat (xüsusi çəkisi 18,2 faiz), Türkiyə - 276,559 milyon manat (8,9 faiz), ABŞ - 264,048 milyon manat (8,6 faiz), Fransa - 195,515 milyon manat (6,3 faiz), Yaponiya investisiyaları isə 179,087 milyon manat (5,8 faiz) təşkil edib.

Beynəlxalq maliyyə institutlarından ən böyük investisiya Dünya Bankı tərəfindən qoyulub (2,7 faiz xüsusi çəki ilə 83,25 milyon manat). Asiya İnkişaf Bankı yanvar-avqust aylarında Azərbaycanda layihələrin reallaşdırılmasına 34,6 milyon manatdan çox vəsait (1,1 faiz), Avropa İnkişaf və Yenidənqurma Bankı isə 3,2 milyon manat (0,1 faiz) ayırıb.

Məqalədə:
Xəbər lenti

Xəbər lenti