Azərbaycan, Bakı, 10 iyun /Trend, müxbir Azad Həsənli/
2015-ci il may ayında Qiymətli Kağızlar üzrə Dövlət Komitəsi (QKDK) yanında Milli Depozit Mərkəzi (MDM) tərəfindən qeydə alınmış alqı-satqı səhmləri üzrə birja əqdlərinin həcmi ötən ilin may ayı ilə müqayisədə analoji göstərici 11 dəfə artıb.
Trend-in verdiyi məlumata əsasən, bu barədə MDM-nin saytında dərc olunan xəbərdə deyilir.
Məlumatda deyilir ki, hesabat dövründə nominal dəyəri 233,04 milyon manat həcmində 311 əqd, ötən ilin may ayında 20,4 milyon manat həcmində 394 əqd qeydə alınıb.
Birjadankənar əqdlərin həcmi ötən ilin may ayının analoji göstəricisi ilə müqayisədə 10,6 dəfə artıb. 2014-cü il may ayında MDM tərəfindən 4,98 milyon manatlıq 64 əqd qeydə alınıb.
İllik hesabatda əlavə emissiya üzrə əqdlərin həcmi 11,17 dəfə azalıb (2014-cü il may ayında 1,1 milyard manatlıq 47 əqd qeydə qalınıb).