Bakı. Hüseyn Vəliyev - Trend:
Azərbaycan Ümumdünya Su Şurasının İdarə Heyəti Şurasına üzv seçilib. Trend-in məlumatına görə, bunu "Azərsu" ASC-nin "Sukanal" Elmi-Tədqiqat və Layihə İnstitutunun elmi işlər üzrə direktor müavini Adışirin Ələkbərov mətbuat konfransında deyib.
Onun sözlərinə görə, "Azərsu" Ümumdünya Su Şurasının üzvü olmaqla bəzi problemlərin həlli üçün zəruri addımlar atacaq: "Söhbət su resurslarının rasional istifadəsindən, yeni texnologiyaların tətbiqi ilə su resurslarının təkrar istifadəsi üçün yararlı vəziyyətə gətirilməsindən və digər məsələlərdən gedir".