Azərbaycan Dağıstana Rusiyanın kənd təsərrüfatı bazarında mövqelərini gücləndirməyə kömək edəcək
Bakı. Trend:
Dağıstan və "Aseraaqromir" Azərbaycan-Rusiya şirkəti qarşılıqlı əməkdaşlıq barədə saziş imzalayıb. Bu barədə Trend "Arqumentı i faktı"ya istinadən məlumat verir.
Müvafiq sənədləri ötən gün Dağıstanın Baş naziri Əbdüsəməd Həmidov və şirkətin prezidenti Fərid Xəlilov imzalayıblar.
İmzlanma mərasimində çıxış edən F.Xəlilov qeyd edib ki, saziş çərçivəsində şirkət 6 hektar sahədə ərzaq istehsalı üzrə istixana, eləcə də 1 hektarda şitil yetişdirilməsi üçün istixana tikəcək: "Layihə həyata keçirilən kimi Dağıstan məhsullarını Rusiya bazarına satacaq. İstixanalara xidmət göstərilməsi məqsədilə Dağıstan-Azərbaycan servis şirkəti yaradılacaq".
