Bakı. Ənvər Məmmədov - Trend:
"PAŞA Həyat" sığorta şirkəti Xəzər dənizindəki "Günəşli" yatağında baş vermiş yanğın nəticəsində ölən və itkin düşən neftçilərin ailələrinə kompensasiya ödənişinə başlayıb.
Trend-in məlumatına görə, bunu jurnalistlərə şirkətin İdarə Heyətinin sədri Mürsəl Rüstəmov deyib.
Onun sözlərinə görə, sığora şirkəti təqdim edilmiş sənədlər üzrə bir sıra ödənişlər edib: "Sığorta ödənişlərinin məbləği müxtəlifdir. Bizə təqdim edilmiş sənədlər üzrə 12-13 ödəniş etmişik. Bu istiqamətdə işlər davam etdiriləcək".
Qeyd edək ki, "Günəşli" yatağında yanğın dekabrın 4-də baş vermişdi. Hadisə nəticəsində 33 nəfər xilas edilib, 14 neftçinin cəsədi tapılıb, 16-sı isə tkin düşmüş hesab edilir.