...

Samsung AMMİ reytinqində birinci yeri tutub

Biznes və iqtisadiyyat xəbərləri Materials 6 Oktyabr 2021 11:39 (UTC +04:00)
Samsung AMMİ reytinqində birinci yeri tutub

Bakı. Trend:

AMMİ (Amerika Müştəri Məmnuniyyəti İndeksi) tədqiqatçıları, istehlakçıların istək və arzularına cavab verən məişət texnikası modellərini və markalarını təqdim ediblər. Reytinqə mövcud 100 baldan 80 bal toplayan Samsung şirkəti başçılıq edib. Bu barədə təşkilatın rəsmi saytında dərc edilmiş hesabatında deyilir.

Amerika Müştəri Məmnuniyyəti İndeksi (AMMİ), istehlakçıların istifadə etdikləri məhsul və xidmətlərin qiymətləndirməsinə əsaslanaraq, ABŞ -da istehlakçı duyğularının iqtisadi göstəricisidir. 47 sənayedə 400 -dən çox şirkətin müştəri məmnuniyyətini ölçən bu indeksi müəyyən etmək üçün hər il 500 mindən çox istehlakçı arasında sorğu keçirilir. Sorğu iştirakçılarından istehsalçıları qiymətləndirmələri xahiş olunaraq, real müştərilərin geniş çeşiddə məhsul və xidmətlərdən istifadə təcrübəsinin olması yoxlanılır. Müştəri Məmnuniyyəti Göstəriciləri hər təqvim ili ərzində aylıq olaraq dərc olunur. AMMİ-nin təqdim etdiyi araşdırma tədqiqatçılar, korporasiyalar, dövlət qurumları, bazar analitikləri və investorlar, sənaye ticarət birlikləri və istehlakçılar tərəfindən geniş şəkildə istifadə olunur.

AMMİ 2020-2021 sorğusu təsadüfi seçilmiş 7960 respondent arasında aparılan anketləşdirməyə əsaslanaraq, 7 İyul 2020-ci ildən 26 İyun 2021-ci ilə qədər olan dövrü əhatə edir.

Samsung keçən il sözü gedən məişət texnikası istehsalçıları siyahısında birinci və ikinci yerləri tutan LG və Bosch şirkətlərini geridə qoyaraq bu il birinciliyə sahib olub. Belə ki, brendin göstəriciləri keçən ilə nisbətən 3% artıb, LG və Bosch-un göstəricilərində isə 2020-ci ilə müqayisədə müvafiq olaraq 1% və 6% azalma müşahidə edilib.

Qeyd edək ki, məhsullar dizayn, mobil tətbiqin keyfiyyəti və mövcudluğu, zəmanət, xidmət, istehsalçının veb saytından məmnunluq, davamlılıq və s. kimi göstəricilər üzrə qiymətləndirilimişdir. Hər göstərici maksimal olaraq 100 bal ilə qiymətləndirilmiş, istehsalçının ümumi göstərici isə sorğu kateqoriyalarının ümumi göstəricilə əsasında hesablanmışdır.

Məqalədə:
Xəbər lenti

Xəbər lenti