Citigroup və Commerzbank Azərbaycan Milli Bankı (AMB) üçün bir il müddətinə 30 milyon dollar cəlb etmək barədə əldə olunmuş baza razılaşması əsasında beynəlxalq bankların sindikatlaşdırılmasının fomalaşdırılmasına başlayıb. Razılaşma Berlində mayın 31-də keçirilən Azərbaycan-Almaniya forumunun çərçivəsində imzalanıb. AMB-nın idarə heyətinin sədr müavini Əsgər Məmmədovun Trend ə verdiyi məlumata görə, cəlb edilmiş vəsaitlərin həcmi 50 milyon dollaradək artacaq.
Sitigroup və Commerzbank artıq bir sıra Avropa banklarına sindikatlaşdırılmış kreditləşmədə iştirak etmək üçün dəvətnamə göndəriblər. "Gələn həftə sindikatlaşmanın konkret iştirakçılarının və hər bir iştirakçının payının müəyyən olunacağı gözlənilir. Artıq Citigroup və Commerzbank ın $5 milyon dollar təqdim edəcəyi qərara alınıb. Əgər digər iştirakçıların hər hansı birinin payı 3 milyon dollar olarsa, onda sindikatlaşmaya daha 10 bank daxil ola bilər. Sindikatlaşmanın iştirakçıların ölkəmiz barədə daha geniş təsəvvürlərə malik olması üçün biz sindikatlaşdırılmış kreditləşmə barədə əsas razılaşmanı Bakıda imzalamaq istərdik ", - deyə Ə.Əsgərov qeyd edib.