Sentyabrın sonlarında Almaniyanın Badenvürtenvurq vilayətinin 15-ə yaxın iş adamından ibarət nümayəndə heyəti Azərbaycana işgüzar səfərə gələcək. Bu barədə Almaniya-Azərbaycan İqtisadi Yardım İttifaqından (AAİYİ) Trend xəbər agentliyinə məlumat verilib. Ierilən məlumata görə, 2 gün davam edəcək səfər çərçivəsində Bakıda hər iki ölkənin iş adamlarının iştirakı ilə biznes forum keçiriləcəkdir.
Forumda iş adamları arasında əlaqələrin yaradılması, Azərbaycanla Badenvürtenvurq vilayəti arasında iqtisadi-ticari əlaqələrin qurulması və s. bu kimi digər məsələlər ətrafında müzakirələr aparılacaqdır.
Qeyd edək ki, Almaniya iş adamlarının Azərbaycana səfəri Badenvürtenvurq vilayətinin Sənaye-Ticarət Palatası və AAİYİ-nin təşkilatçılığı ilə həyata keçirilir.