2005-ci ilin yanvar-iyun aylarında Azərbaycan iqtisadiyyatına 12,776 trilyon manat (2640,815 milyon dollar) kapital qoyulub. Dövlət Statistika Komitəsindən Trend ə verilən məlumata görə, bu rəqəm 2004-cü ilin analoji dövrü ilə müqayisədə 10,3% yüksəkdir. Bütün 2004 -cü il ərzində Azərbaycan iqtisadiyyatına 36,1% artım sürəti ilə 24196,6 milyard manat (4924,413 milyon dollar) kapital qoyulub.
2005-ci ildə investisiyaların proqnozu 22914,2 milyard manat (manatın 1 ABŞ dollarına orta mübadilə kursu 4925 manat olmaqla 4652,6 milyon dollar), yanvar-iyun aylarında faktiki kapital qoyuluşları 55,76% proqnoz təşkil edib.
Dövlət Statistika Komitəsinin məlumatında bildirilir ki, bu ilin 6 ayı ərzində investisiyaların ümumi həcmindən daxili mənbələrdən iqtisadiyyata qoyulan investisiyaların həcmi 28% təşkil edib ki, bu da bütün il ərzində onlarını proqnozlaşdırdığı 7000 milyard manata (1421,3 milyon dollar) bərabərdir. Ümumi investisiyaların həcmindən xarici investisiyalar 78% təşkil edir ki, bu da 9198,72 milyard manata (57,8%) bərabərdir.
Yanvar-iyun aylarında investisiyaların əsas mənbəyi müəssisələrin vəsaiti (9,6% artımla 11288 milyard manat), bank kreditləri (5,6% artımla 605,5 milyard manat), əhalinin vəsaitləri (31% artımla 397,6 milyard manat), büdcə vəsaitləri (53,3% artımla 304,7 milyard manat) təşkil edir.
