Beynəlxalq Valyuta Fondunun (BVF) missiyası səfərinin sonunda Azərbaycan hökumətinə bir sıra tövsiyyələri özündə əks etdirən yazılı sənəd hazırlayıb. Nazirlər Kabinetindən Trend ə verilən məlumata görə, bu təşəbbüs BVF-nun Yaxın Şərq və Mərkəzi Asiya üzrə Departamentinin direkto müavini Vitali Kramarenkonun başçılıq etdiyi missiyanın ölkə hökumətinin rəhbəri Artur Rasizadə ilə görüşü zamanı irəli sürülüb.
"Görüşün gedişində BVF-nun nümayəndələri maddi yardımların verilməsi və borclarla, neft gəlirlərinin idarə olunması ilə bağlı bir sıra tövsiyyələrə malik olduqlarını qeyd ediblər.
Onlar həmçinin bəyan ediblər ki, bu tövsiyyələri missiyanın yekunları kimi yazılı şəkildə təqdim edə bilərlər. "Bu zaman avqustun 29-30-da baş nazirlə təkrar görüşün keçiriləcəyi də istisna olunmur ", - deyə mənbə bildirib.
Missiyanın nümayəndələrinə bu məsələlərə görə cavabdeh olan bu və ya digər nazirlik və idarə ilə müzakirə etmək də tövsiyyə olunub.
Qeyd edək ki, missiyanın işi avqustun 24-dən başlayıb. Səfər avqustun 31-nə kimi davam edəcək. Missiyanın məqsədi 2005-ci ilin qalan dövründə Azərbaycan hökumətinin hazırladığı maliyyə siyasətinin və əsas struktur islahatlarının aparılmasının qiymətləndirilməsidir. Missiya həmçinin 2006-cı il dövlət büdcəsi layihəsi üzrə məsləhətlər verəcək.
