İqtisadi inkişaf nazirliyi yanında inhisar əleyhinə siyasət Departamenti müəllif hüquqları Agentliyi ilə birgə piratçılıqla mübarizə sahəsində maarifləndirmə üzrə seminar keçirib.Bu barədə Trend agentliyinə departamentdə bildirilib.
Agentliyin sədri Kamran İmanov məruzə ilə çıxış edib və iştirakçıları bazarda piratçılığın səviyyəsinin, eləcə də onun iqtisadiyyata ziyanının araşdırılması məqsədilə aparılan monitorinqlərin nəticələri barədə məlumatlandırıb.
K.İmanov pirat audio-video məhsulların növləri və bunların istehsal üsulları haqqında danışıb.
O, pirat audio-video məhsulları istehsalının ləğv edilməsində maarifləndirmə aparılması üçün müvafiq dövlət orqanlarının əməkdaşlığının əhəmiyyətini qeyd edib.