Sentyabrın 26-da İranın iqtisadi missiyası Bakıya gəlir. İranın Azərbaycandakı səfirliyindən Trend ə verilən məlumata görə, nümayəndə heyətinin tərkibinə maliyyə və sənaye sahələrində fəaliyyət göstərən direktorlar daxildir.
Səfərin məqsədi Azərbaycanın infrastrukturu və iqtisadi potensialı ilə tanışlıq, İran şirkətləri tərəfindən ölkənin iqtisadiyyatına kapital qoyulması üçün şəraitin öyrənilməsindən ibarətdir.
Səfər zamanı iranlı biznesmenlər Azərbaycanın müvafiq dövlət strukturlarında görüşlər keçirmək, iri sənaye obyektlərinin fəaliyyəti və həyata keçirilən layihələrlə tanış olmaq niyyətindədirlər.