AZAL Dövlət Konserni və Airbus İndustries aviakonserni rəhbərliyinin nümayəndələri artıq bu gün Bakıya gətiriləcək ikinci A-319 aerobusunun "təhvil-təslimi" haqqında sənədləri imzalayıblar. AZAL-dan Trend ə verilən məlumata görə, A-319 aerobusunun Bakıya gətirilməsi ilə əlaqədar oktyabrın 28-də saat 21:00-da Heydər Əliyev adına Bakı Beynəlxalq hava limanında AZAL rəhbərliyinin, Nəqliyyat Nazirliyi və digər hökumət orqanları nuümayəndələrinin iştirakı ilə mərasim keçiriləcək.
4-cü və 5-ci təyyarələr ölkəyə 2006-cı ilin ortalarında gətiriləcək. AZAL tərəfindən alınmış aerobuslar beynəlxalq marşrutlar üzrə hərəkət edəcək. Hamburqdan Bakıya birinci təyyarə cari ilin sentyabr ayının 2-də gətirilib.
4 təyyarənin alınmasına dair $170 mln dəyərində müqavilə AZAL və Airbus Industries arasında 2004-cü ilin avqstunda Berlində imzalanıb.
Yeni təyyarələrin alınması ölkənin mülki aviasiya sisteminin inkişaf proqramı çərçivəsində həyata keçirilir.
