Naxçıvan Muxtar respublikasında (NMR) dənli və paxlalı bitkilərin ümumi yığımı 99 207 ton təşkil edib ki, bu da 2004-cü ilin analoji dövrü ilə müqayisədə 12,2 % yaxud 10 764 ton çoxdur. NMR-nin Bakıdakı daimi nümayəndəliyində Trend ə bildirilib ki, bütün respublika üzrə ümumi əkin sahəsi 25773 HA təşkil edib, yığım isə 25763 hektar (99%) sahədə həyata keçirilib, məhsuldarlıq hər ha üçün 38,5 sentner olub.
Nümayəndəlikdə qeyd olunub ki, dənli və paxlalı bitkilərin ümumi sahəsi 2004-cü illə müqayisədə 11,3% yaxud 2601 HA arıtrılıb. Bu dövr ərzində məhsuldarlığın artımı 0,8 % yaxud 0,3 sentner təşkil edib.
Kənd təsərrüfatı bitkilərinin ümumi sahəsi təxminən 49 min HA təşkil edib ki, bundan 24 min hA dənli bitkilərin payına düşür.Nümayəndəliyin məlumatına görə, respublikada ümumi tərəvəz əkini sahəsi təxminən 5,7 min HA təşkil edir.
