Azərbaycan Milli Bankı qısamüddətli notların yerləşdirilməsi üzrə hərrac keçirib. Bakı Fond Birjasından Trend ə verilən məlumata görə, hərraca AMB-nin 50100811S dövlət qeydiyyat nömrəli qısamüddətli notları çıxarılıb.
Nominal üzrə 38 869 000 000 manat (7 773 800 denominasiya edilmiş manat) məbləğində notlar yerləşdirilib. 48 016 000 000 manat (9 603 200 denominasiya edilmiş manat) həcmində ərizələr isə 99.07%-dən (gəlirlilik- 12.07%) 99,09%-ə qədər (gəlirlilik - 11.81%) olan diapazonda verilib.
Kəsmə xətti 99.08% (gəlirlilik-11.94%), orta qiymət isə 99.08% (gəlirlilik-11.94%) ölçüsündə müəyyən edilib.
Emissiyanın həcmi 50 mlrd manat, dövriyyə müddəti 28 gün, ödəmə tarixi isə 14 dekabrdır.
Beləliklə, 2005-ci ildə AMB 47 buraxılış vasitəsilə satışa 1335 mlrd manat (2 trln manat məbləğində qeydə alınmış emissiyanın 66,75%-i) məbləğində not çıxarıb və 759,046 mlrd manat cəlb edib.
