Noyabrın 22-23-də Budapeştdə keçirilmiş birinci Azərbaycan-Macarıstan biznes forumu öz nəticələrini verib. Azərbaycan ixracın təşviqi və investisiyalar Fondunun (Azpromo) prezidenti Emil Məcidovun Trend ə bildirdiyi kimi, forum çərçivəsində NJT 2000 şirkəti Macarıstandan xammmalın tədarükünə dair $10 mln dəyərində müqavilə bağlayıb.
"Forum çərçivəsində Azpromo və Macarıstanın Ticarət və İnkişaf Agentliyi arasında informasiya sahəsində əməkdaşlıq və birgə fəaliyyət haqqında memorandum imzalanıb. Biz 2006-cı ildə Bakıda ikinci Azərbaycan-Macarıstan biznes-forumu keçirməyi planlaşdırırq. Biz onun ilin birinci yarısında keçirilməsini təklif etsək də, dəqiq tarix macarıstanlı həmkarlardan asılı olacaq", - deyə E.Məcidov qeyd edib.
Birinci forumda 15 Azərbaycan şirkəti təmsil olunmuşdu.