Azərbaycanın Nəqliyyat naziri Bakı-Samur yolunun bir hissəsinin yenidən qurulması üzrə tenderi bağlı elan edib. Tenderin qalibi Çexiyanın ZS Brno şirkəti olub. Bu şirkətin subpodratçısı isə Azərbaycanın Azərinşaatservis şirkəti olacaq. Bu barədə Trend ə nazirlikdən məlumat verilib. Layihə Çexiyanın "Eksimbank"ı tərəfindən maliyyələşəcək.
Yaxın günlərdə işçi layihəsinin artıq hazır olduğu Sumqayıt şəhəri yaxınlığındakı yolun bir hissəsinin yenidən qurulması üzrə tenderin elan ediləcəyi gözlənilir. Layihə Avropa yenidənqupma və inkişaf bankının vəsaiti hesabına maliyyələşəcək. Yolun qalan hissələri üzrə işçi layihələrinin gələn ilin birinci rübündə hazır olacağı gözlənilir. Bu layihə Türkiyənin ECO şirkəti tərəfindən həyata keçirilir.
Bakı-Rusiya sərhədi magistralının yenidən qurulması üzrə layihənin həyata keçirilməsi üçün vəsait AYİB ($100 mln) və "Eksimbank" tərəfindən ayrılır. Kredit standart şərtlər və dövlət zəmanəti ilə ayrılır. Bu vəsait yolun 28 km-dən 89 km-dək olan hissəsinin yenidənqurulmasına sərf olunacaq.
Ümumi uzunluğu 208 km olan yolun qalan hissəsi "Eksimbank" ($180 mln) tərəfindən maliyyələşəcək. Vəsaitin ümumi həcminin $102 mln-u "Eksimbank", $78 mln-u isə Fransanın BNP Paribas bankı tərəfindən ayrılıb. Kredit 4 illik güzəştlə və Libor+0,6%-lə 15 il müddətinə verilib.
