"Quş qripi" ilə mübarizə çərçivəsində Bakıya bir sıra ölkələrdən mütəxəssislər gələcək. Kənd təsərrüfatı Nazirliyi yanında Dövlət Baytarlıq Xidmətində Trend bildirilib ki, Ukrayna, eləcə də BMT Ərzaq və kənd təsərrüfatı təşkilatının (FAO) mütəxəssislərinin səfəri gözlənilir.
"Hələlik mütəxəssislərin səfərinin tarixi müəyyən edilməyib, amma bu, marta planlaşdırılıb" -deyə dövlət xidmətində bildirilib.
Səfərin məqsədi xəstəliyə qarşı mübarizədə təcrübə mübadiləsi, xüsusi laboratoriya avadanlığının istifadəsində ixtisasın artırılmasıdır.
"Quş qripi"nin aşkar edilməsi ilə bağlı növbəti monitorinq martın əvvəlində Xidmətin, səhiyyə, ekologiya və təbii sərvətlər nazirliyinin, eləcə də AMEA Zoologiya institutunun mütəxəssislərindən ibarət xüsusi komissiya tərəfindən aparılacaq.