2006-cı ilin proqnozu adambaşına düşən gəlirin inkişaf tempinə müvafiq olduqda Azərbaycan Dünya Bankının güzəştli kreditlər alan ölkələr üçün müəyyən etdiyi limiti keçə bilər. Hökumətdə Trend ə bildirilib ki, bu, artıq 2007-ci ildən baş verə bilər, DB-nin güzəştli kreditləri itirilə bilər. Bankda səviyyə mövcuddur ki, bu səviyyədən sonra ölkənin Beynəlxalq yenidənqurma və inkişaf bankından (BYİB) borc imkanı nəzərdən keçirilir.
DB-nin praktikası belədir ki, hər iki şərtlə borc alan ölkələr (bu gün Azərbaycan kimi) BİA-nın kreditlərindən sosial layihələr üçün istifadə etməyə üstünlük verir, infrastruktur layihələri isə əsasən BYİB-in ehtiyatları ilə maliyyələşdirilir. Dünya standartlarına görə orta səviyyəli gəlirə malik ölkələr kənd təsərrüfatından başlayaraq infrastruktur layihələrinədək hər bir sahədə öz layihələri üçün BYİB-in kreditlərindən istifadə edir.
2006-cı maliyyə ili ərzində Azərbaycanın üç layihəsinin - məhkəmə-hüquq sisteminin, eləcə də səhiyyə sisteminin təkmilləşdirilməsi və kənd təsərrüfatının inkişafı və kreditləşdirilməsi layihələrinin güzəştli kreditlərlə təsdiqi gözlənilir. Əgər layihələrlə bağlı danışıqlar həmin vaxtadək başa çatmasa, onda 2006-cı ilin iyulun 1-dən başlayan 2007-ci maliyyə ilində bu layihələrin şərtləri yenidən nəzərdən keçirilməli olacaq. Baxmayaraq ki, səhiyyə və kənd təsərrüfatı layihəsinə artıq BİA və BYİB xəttilə qarışıq kreditlərin ayrılması təklif edilir.
