Martın 15-də Azərbaycanın Nəqliyyat Nazirliyi Bakı şəhərinin nəqliyyat infrastrukturunun işinin yüngülləşdirilməsi üçün avtomobil körpülərinin inşası layihəsinə başlamaq niyyətindədir. Bu barədə Trend ə Azərbaycanın Nəqliyyat Nazirliyindən bildirilib. İlk körpü "Məşədi Əzizbəyov" metro stansiyası yaxınlığındakı sahədə inşa ediləcək.
Yaxın vaxtlarda daha altı yeni körpünün inşasına başlanacaq. Ümumiyyətlə, iki il ərzində 10 yeni körpü inşa ediləcək. Bundan başqa, Nəqliyyat Nazirliyi şəhəri hava limanı ilə birləşdirən yeni magistralın inşasını həyata keçirəcək. Həmçinin çoxlu sayda yeraltı və yerüstü keçidlərin inşası nəzərdə tutulur.
Bütün bu işlər Azərbaycan prezidentinin "2006-2007-ci illərdə Bakı şəhərində nəqliyyat sisteminin təkmilləşdirilməsi haqqında" fərmanı çərçivəsində həyata keçiriləcək.
