"Azərboru" SC-nin əsas investoru olan Britaniyanın Targol Investment şirkəti təklif olunanın yalnız 10 %-i həcmində investisiya təqdim edib. Trend in verdiyi məlumata görə, bu barədə müəssisənin baş direktoru Əzim Əzimov məlumat verib. Hazırda müəssisədə Dövlət Əmlakının İdarə olunması üzrə Dövlət Komitəsi tərəfindən audit keçirilir. Komitənin araşdırmalarının yekunları üzrə gələcək qərarlar qəbul ediləcək.
Ə.Əzimovun sözlərinə görə, bu il müəssisə 50 min tona yaxın boru istehsal etməyi planlaşdırıb. Ötən il bu həcm bir neçə min ton təşkil edirdi.
Ə.Əzimovun sözlərinə görə, hazırda yerli müəssisələrinin iştirakı ilə respublikada keçiriləcək tenderdə onlara güzəştlər tətbiq ediləcək. Lakin, onun fikrincə, şərtlər daha da yumşaldılmalıdır.
