Britaniyanın Targol Investment şirkəti tərəfindən "Azərboru" SC üzrə investisiya proqramının yerinə yetirilməsinin monitorinqini aparmaq üçün Dövlət Əmlakının idarə edilməsi üzrə Dövlət Komitəsinin dəvət etdiyi müstəqil auditorlar bu istiqamətdə işi davam etdirir. Trend in xəbər verdiyi kimi, Dövlət Komitəsinin sədri Kərəm Həsənov jurnalistlərə bildirib ki, ilkin araşdırmalar zamanı sərmayəçilər tərəfindən investisiya öhdəliklərinin pozulması aşkar olunub.
İnvestisiya proqramının şərtlərinə əsasən, Targol 3 il ərzində Sumqayıt boru-prokat zavoduna $50 mln qoymağı öhdəsinə götürsə də, monitorinqin nəticələrinə görə cəmi $4,3 mln sərmayə yatırıb.
Bundan başqa, Targol $6,9 mln həcmində kredit almaq üçün müəssisədən girov kimi istifadə edib ki, bu da "Azərboru"ya qoyulmuş sərmayələrin həcmindən çoxdur", - deyə K.Həsənov qeyd edib.
