...

Maliyyə Nazirliyi daha bir sığorta şirkətinin lisenziyasını ləğv etdi

Biznes və iqtisadiyyat xəbərləri Materials 18 Aprel 2006 17:31 (UTC +04:00)

Trend-i buradan izləyin

Maliyyə Nazirliyi yerli "Qafqaz sığorta" sığorta şirkətinin lisenziyasını ləğv edib. Bu barədə Trend ə Nazirliyin sığorta nəzarəti üzrə Baş idarəsinin rəisi Bəybala Xankişiyev məlumat verib.

Belə bir qərarın qəbul edilməsinə səbəb aprelin 12-də şirkətin fəaliyyət müddətinin başa çatmasıdır. Nəzarət orqanının xəbərdarlığına baxmayaraq, şirkət növbəti 5 il müddətinə lisenziyanın uzadılması üçün müraciət etməyib. Onun nizamnamə kapitalı ilə bağlı problemin olmamasına baxmayaraq, fəaliyyətinində pozuntular müşahidə olunub və buna görə də Maliyyə Nazirliyi istənilən halda ona qarşı münasibətdə iddiaçı ola bilərdi.

Buna baxmayaraq, B.Xankişiyevin sözlərinə görə, şirkət il ərzində sonuncu sığorta müqavilələri üzrə öhdəliklərin yerinə yetirilməsi üçün fəaliyyət göstərməlidir.

"Qafqaz sığorta" 5 il əvvəl yaradılıb.

Beləliklə, Azərbaycanın sığorta bazarı daha bir şirkətdən məhrum oldu və indi onların sayı 6-sı yerli olmaqla 27-yə çatır.

Xəbər lenti

Xəbər lenti