...

Mayda DB ilə Azərbaycan hökuməti arasında səhiyyə sistemində islahatlarla bağlı danışıqlara başlanacaq

Biznes və iqtisadiyyat xəbərləri Materials 24 Aprel 2006 19:56 (UTC +04:00)

Dünya Bankının (DB) missiyası ictimai səhiyyə üzrə mütəxəssis və layihənin direktoru Enis Barışın rəhbərliyi ilə Azərbaycanın səhiyyə sistemində islahatların aparılmasına dair layihənin qiymətləndirilməsini başa çatdırıb. DB-nın Bakı nümayəndəliyindən Trend ə verilən məlumata görə, bununla əlaqədər hökumət ilə bank arasında kredit sazişi üzrə danışıqlar mayın ortalarına planlaşdırılır. Layihə bankın 2006-cı maliyyə ilində Dirkektorlar Şurasında təsdiqlənəcək.

Qiymytləndirməyə əsasən, layihənin dəyəri 86 mln. dollar təşkil edir ki, bunun 50 mln dollarını bank Beynəlxalq İnkişaf Assosiyasıyasının vəsaitindən ayıracaq. Qalan vəsait Azərbaycan hökuməti tərəfindən veriləcək.

Bir neçə pilot rayonunda xəstəxanaların tikitisi planları ilə bağlı layihənin genişləndirilməsi nəzərdə tutulub. Layihəyə həmçinin, kənd yerlərində poliklinikalar və tibb mərkəzlərinin tikintisi də daxildir.

Layihənin hazırlanması DB-nın 450 min dollar həcmində qrantı hesabına gerçəkləşdirilib.

Xəbər lenti

Xəbər lenti