Azərbaycan hökuməti Yaponiya, Kanada, Almaniya, Rusiya, Avstriya, İsveçrə, Çexiyanın zibil emalı texnologiyaları üzrə ixtisaslaşan ondan artıq firmacından təkliflər alıb. Lakin Azərbaycanda hələlik Yaponiyanın EBARA şirkətinin təqdimatı keçirilir. Öz texnologiyalarını təqdim etmək istəyən digər yapon firmaları da mövcuddur. Bu barədə Trend ə hökumətdən məlumat verilib.
EBARA şirkəti dünyada aparıcı firmalardan biridir. Bu firmanın mütəxəssisləri respublikaya səfər zamanı Balaxanıdakı zibilliyi tədqiq ediblər və onun vəziyyətini son dərəcə mənfi qiymətləndiriblər. Onlar Azərbaycan tərəfinə suallardan ibarət siyahı təqdim ediblər. Ən qısa müddətdə şirkətdən ilkin təklif almaq üçün bu suallara yaxın günlərdə cavab veriləcək. Bundan sonra onlar müfəssəl tədqiqatlar aparmağa hazır olacaqlar: zibilin tərkibi, bir zavodun və ya bir neçə müəssisənin yerləşməsi üçün yer təkinin geoloji tədqiqatları və s. Hökumət üçün zibil emalı zavodunun tikintisində prioritet elektrik enerjisinin alınması, mineral gübrələr, inşaat materiallarının əldə olunmasıdır.
Yapon ekspertləri məsələləri kompleks şəkildə həll etmək niyyətindədirlər. Məhz birinci növbədə zibilliyin yerləşdiyi ərazinin torpaq örtüyünün bərpa edilməsidir. Elektrik enerjisinin alınması üçün əvvəlcə zibilin tərkibini müəyyən etmək lazımdır. AYİB-in hesablamalarına görə, il ərzində yandırılan 600 min ton zibildən 150 MVt həcmində elektrik enerjisi almaq mümkündür. Lakin hökumət bu hesablamalarla razılaşmayıb və aparılan hesablamalardan sonra eyni gücə malik zavodda 30 mVt enerjinin alındığını müəyyən edib.
Bunun üçün zibilin çeşidlərə ayrılması lazımdır. Çünki bütün zibili onun yerləşdiyi metal qablarla bərabər yandırmaq olmaz. Bu sobaların sıradan çıxmasına səbəb ola bilər. Yapon şirkəti Yaponiyada edildiyi kimi zibilin 7 növə görə çeşidlərə ayrılmasını təklif edir və bu zaman hər bir növ özü zibili çeşidləmələdir. Bu isə hələlik Azərbaycaqnda mümkün deyil.
Layihənin dəyəri 350 mln. avrodur. Avropa Bankı 50 mln. avro ayırmağa hazırdır.
