Azərbaycanın Maliyyə Nazirliyi Dünya Bankının Azərbaycanın məhkəmə sistemində islahatların aparılması layihəsinə ayrılan kreditin artması ilə razılaşıb. Bu barədə Trend ə Nazirlikdən məlumat verilib.
Mayın 11-dən 15-nə qədər Bakıda keçiriləcək rəsmi danışıqlarda bank tərəfindən kreditin məbləğinin layihəyə əlavə işlərin daxil edilməsi ilə əlaqədar 20 mln. dollardan 21,5 mln dollaradək artırılması təklif olunub. $1,5 mln. vəsaitin Konstitusiya Məhkəməsinin texniki təchizatının təkmilləşdirilməsinə yönəltmək təklif olunur.
Layihənin ümumi dəyəri bu vəaitlər nəzərə alınmadan $33,6 mln. dollardır. Yaponiya hökuməti bu layihənin reallaşdırılması üçün $3 mln. qrant ayırıb. DB layihəni Beynəlxalq İnkişaf Assosiasiyasının şərtləri ilə, daha doğrusu, 10 illik güzəşt dövrü ilə və illik 0,75 % faiz dərəcəsi ilə 35 il müddətinə ayırıb.
Layihə məhkəmə infrastrukturalarının yaxşılaşdırılmasına, rayon məhkəmələrinin tikintisi və təmirinə yönəlib.