Azərbaycan Milli Bankın baş direktoru Aftandil Babayev mayın 19-22-də Kazanda keçiriləcək Orta Asiya, Qara dəniz hövzəsi və Balkan ölkələri banklarının rəhbərləri birliyinin 15-ci iclasında iştirak etmək üçün Rusiyaya yola düşüb. Bu barədə Trend ə AMB-dən məlumat verilib.
Birliyin iclasında mərkəzi bankların gələcəyi ilə bağlı məsələlər, İsrail Mərkəzi Bankının idarəetmə təcrübəsi və Birliyin hazırkı problemləri müzakirə olunacaq. Rəhbərlər birliyinə 17 dövlət: Azərbaycan, Türkiyə Albaniya, Ermənistan, Bolqarıstan, Bosniya-Hersoqovina, Yunanıstan, Gürcüstan, Qazaxıstan, Qırğızıstan, Makedoniya, Moldova, Rusiya, Rumıniya, Serbiya, Tacikistan və Ukrayna daxildir.
