Asiya İnkişaf Bankı ilə (AİB) Azəriqazbank səhmdar-investisiya bankı arasında Azərbaycan bankının Nizamnamə kapitalının əldə olunması barədə sövdələşmə hüquqi məsələlərin həllindən sonra baş tutacaq. Bu barədə Trend ə bankın İdarə heyətinin sədri Azər Mövsümov məlumat verib. O, iki sənədin eyni vaxtda imzalanmasının mümkünlüyünü istisna etməyib. Axı AİB-lə yanaşı Azəriqazbankın səhm paketinin 17,5 %-nin əldə edilməsi niyyəti barədə Beynəlxalq Maliyyə Korporasiyası (BMK) da elan edib. Bu sövdələşmələr nəticəsində 35% iştirak payı BMK-na verilib.
AİB analoji təkliflə Bank Respublika barədə də çıxış edib. Bankın İdarə Heyətinin sədri Xədicə Həsənovanın Trend ə verdiyi məlumata görə, bu məsələ müzakirə olunur. Lakin bu gün bir sıra maliyyə institutları maraqlarını ifadə ediblər.
XöHəsənova qeyd edib ki, " payın əldə olunmasında hər bir təşkilatın öz parametrləri var. Lakin onlar adətən, 15 % təklif edirlər".
Yekun qərar bankın səhmdarları tərəfindən qəbul ediləcək. 2006-cı ilin sonlarına kimi səhmdarların toplantısının keçiriləcəyi gözlənilir və onlar müvafiq qərar qəbul edəcəklər. Bu gün Bank Respublika-nın iki xarici səhmdarı - DEG, bank qrupunun üzvləri KfW və Sparkassen International Development Trust (SIDT) var ki, səhm paketinin 25% + 1 səhmi onlara məxsusdur. Bankın ümumi kapitalı bu gün 11 mln. AZN təşkil edir.