...

Abel Məhərrəmov: "Təhsil haqqında" qanundan öncə elmin, təhsilin konsepsiyasını hazırlamaq lazımdır"

Biznes və iqtisadiyyat xəbərləri Materials 30 May 2006 17:18 (UTC +04:00)

"Təhsil haqqında" qanundan öncə elmin, təhsilin konsepsiyasını hazırlamaq lazımdır. Trend xəbər verir ki, bu barədə jurnalistlərə Bakı Dövlət Universitetinin rektoru, millət vəkili Abel Məhərrəmov bildirib.

BDU-nun rektoru qeyd edib ki, "Təhsil haqqında" qanun iki çağırışda qəbul oluna bilməyib. Eyni zamanda adıçəkilən qanun elm və təhsil komissiyasında da geniş müzakirə olunmayıb: "Mən məmnunam ki, bu gün həmin qanun gündəmə çıxarlımayıb. Ona görə ki, adıçəkilən qanun geniş işlənməlidir. Azərbaycan xalqı bu qanun qəbul edilməzdən öncə elmin, təhsilin inkişaf konsepsiyasını gözləyir".

Millət vəkili onu da vurğulayıb ki, Azərbaycan qlobal cəmiyyətə inteqrasiya etdiyinə görə gərək "Təhsil haqqında" qanun da Təhsil Konsepsiyası əsasında həyata keçirilsin: "Azərbaycanda elm və təhsil konsepsiyası hazırlanmadan, "Təhsil haqqında" qanunu qəbul etmək olmaz". A.Məhərrəmov qeyd edib ki, Milli Məclisin payız sessiyasına qədər elm və təhsil komissiyasında elmin, təhsilin birgə konsepsiyasını müəyyən etdikdən sonra bundan irəli gələn məsələlərə uyğun "Təhsil haqqında" qanunu hazırlamaq olar".

Xəbər lenti

Xəbər lenti