Azərbaycanın Maliyyə Nazirliyi Azərbaycanın "Çaşıoğlu" şirkətindən 1 milyon ədəd vergi qaimələrinin birinci partiyasını alıb. Maliyyə nazirliyindən Trend ə verilən xəbərə görə, onlar artıq respublika üzrə tamamilə paylanılıb və 1 iyul 2006-cı ildən etibarən onlardan istifadə olunacaq. Bu həcm ölkənin qaiməyə olan tələbatını ilk vaxtlarda təmin etdiyindən, qalan hissə zərurətin yarandığı zaman alınacaq. İstehsalçıda artıq 700 min hazır qaimə var və indi qalan 1,3 milyon ədəd çap olunur. Sifarişin ümumi həcmi 3 milyondur.
"Çaşıoğlu" şirkəti ilə bağlanan müqavilənin dəyəri 166,380 min manat təşkil edir.
ƏDV ödəyiciləri 280 köhnə manat maya dəyəri və qeydiyyat kitabçalarının xərclərini nəzərə almaqla, qaimələri yerli maliyyə idarələrindən 300 köhnə manata (6 qəpik) alırlar.
Maliyyə nazirliyində ehtimal edirlər ki, köhnə formalı qaimələrin yığılması və məhvi bu ilin ikinci rübündə tamamlanacaq. Buna Maliyyə nazirliyi nəzarət edəcək.