ABŞ mütəxəssisləri nadir bitki növlərini öyrənmək məqsədilə Azərbaycandadır. Bu barədə Trend ə Kənd Təsərrüfatı Nazirliyindən məlumat verilib.
ABŞ-ın milli seleksiya proqramı və genetika bankının mütəxəssiləri ölkənin cənub regionunda, xüsusilə Talış meşələrindədir. Hazırda Kənd Təsərrüfatı Nazirliyinin Genetik Ehtiyatlar İnstitutu və Elmi-Aqrar Mərkəzi nümayəndələrinin iştirakı ilə ağac və kolların nadir növləri seçilir.
"ABŞ mütəxəssislərinin səfəri 8 gün davam edəcək. Səfər zamanı toplanmış nadir bitki növləri və onların toxumları ABŞ-a göndəriləcək. Burada həmin bitkilərin seleksiyasını həyata keçirmək planlaşdırılır", - deyə nazirlikdən qeyd olunub.
