İqtisadi əməkdaşlıq və inkişaf təşkilatı (OECD) Azərbaycanın orta müddətli və uzun müddətli kreditləri üzrə risk səviyyəsini 5 bal azaldıb. Trend in İqtisadi İnkişaf Nazirliyinin press-relizinə istinadən verdiyi xəbərə görə, bu qərar OECD üzv ölkələrinin ixracat kredit agentliklərinin Parisdə keçirilən iyun iclasında qəbul olunub.
Hazırda Azərbaycanın risk səviyyəsi Türkiyə ilə eynidir. Kreditlər üzrə risklərin azalması ilə əlaqədar, Azərbaycan sahibkarları OECD ölkələrinin maliyyə institutlarından daha münasib şərtlərlə kredit resursları ala bilərlər. Bu, öz növbəsində, ölkənin beynəlxalq arenadakı imicinə təsir göstərəcək və
Azərbaycana qarşı etimadı təsdiq edir.
Ölkə 1996-cı ildən OECD-nin reytinq qrafikinə daxil olunub. 2001-ci ildən Azərbaycan 6 bal səviyyəsində reytinqə malikdir və o vaxtdan bu səviyyə dəyişməz qalıb. İqitsadi İnkişaf Nazirliyi reytinqin yenidən baxılmasına nail olmaq üçün bəzi tədbirlər görüb. Azərbaycan iqtisadiyyatında müsbət tərəfə dəyişikliklər haqqında OECD-nin üzv ölkələrinə, kredit agentliklərinə məlumat verilib.
