Azərbaycan Dövlət Dəmir Yolu ölkə ərazisindən neft yüklərinin daşınması üzrə tariflərə tətbiq olunan güzəştlərin faizini azaltmaq niyyətindədir. Bu barədə Trend ə hökümətdən xəbər verilib. Güman edilir ki, güzəştlər neft və neft məhsullarının bir tonuna görə təxminən 1 ABŞ dollarına bərabər məbləğə qədər qaldırılacaq. Bu güzəştlər əsasən neft yüklərinin TRACECA nəqliyyat dəhlizi ilə daşınması üçün tətbiq olunurdu.
ADDY İdarəsindən Trend ə verilən xəbərə görə, hazırda neft və neft məhsullarının daşınması üçün tariflərin artırılması məsələsi üzrə Tarif Şurasına müraciət hazırlanır. Hazırda bir ton neftin daşınması üçün təxminən 5 ABŞ dolları ödənilir. Bu qiymətin 1 ABŞ dolları qaldırılacağı güman edilir. Analoji artım bir tona görə təxminən 6 ABŞ dolları ödənilən neft məhsullarının daşınmasında da gözlənilir.
Dəmiryolçular tarifin artırılmasını dünya bazarlarında neftin qiymətinin qalxması ilə izah edir. Qiymətin qalxması dəmir yolu ilə daşınmanı həyata keçirən şirkətlərin mənfəətinin artmasına səbəb olur. Bununla yanaşı, ADDY nümayəndələrinin sözlərinə görə, Azərbaycanın dəmir yolu ilə neft və neft məhsullarının daşınmasının tarifi ən aşağı tariflərdən biridir.