Azərbaycan Milli Bankının (AMB) məlumatına əsasən, 2006-cı ilin avqustunda baza inflyasiyası keçən ilin analoji dövrü ilə müqayisədə 8,2 % artıb. AMB-dən Trend ə verilən məlumata görə, istehlak qiymətləri indeksinin artımı avqustda 0,4 %, iyula, cari lin əvvəlinə isə 5,4% təşkil edib. Bu hesablamalar birinci metodologiyaya əsasən aparılıb ki, burada da bütün inzibati tənzimlənən (enerji daşıyıcılarının qiyməti) və mövsümü xarakterli (meyvə və tərvəzin qiyməti) qiymət dəyişmələri nəzərə alınmayıb.
İkinci metodologiyaya əsasən aparılmış hesablamalara (burada orta azaltma prinsipi istifadə olunur) görə, avqust ayında baza inflasiyası keçən ilin müavifq dövrü ilə müqayisədə 4,8% təşkil edib.
İlin əvvəlinə nisbətən artım 3,4%, iyula nisbətən isə 0,2 % olub. Bu göstəricinin hesablanması zamanı Milli Bank təxminən səbətdən qiyməti inzibati tənzimlənən və mövsümü olan 16% mal və xidmətləri çıxarıb.
