Azərbaycan Milli Bankı (AMB) bu həftə mübadilə bürolarının fəaliyyətini tənzimləyən yeni qaydalara müvafiq olaraq valyuta mübadiləsi məntəqələrinə ilk lizenziyaları verməyə hazırlaşır. AMB-nin baş direktoru Rüfət Aslanlının Trend ə verdiyi məlumata görə, hazırda mübadilə bürosunun açılması üçün 12 müraciət təkmilləşdirilməkdədir.
"Daha beşi tamamlanması üçün geri qaytarılıb, onlardan üçü isə artıq çatışmazlıqları aradan qaldıraraq müraciətləri AMB-yə qaytarıb. Bu günə cəmi 15 müraciət var", - deyə R. Aslanlı qeyd edib.
Onun sözlərinə görə, hazırda ölkədə AMB-nin köhnə lisenziyaları əsasında 60-70 mübadilə məntəqəsi fəaliyyət göstərir. Bir il əvvəl isə onların sayı 620 idi. Yeni qaydaların iyulun sonundan qüvvəyə minməsinə baxmayaraq, onlar yenidən açılmış mübadilə bürolarına şamil olunacaq, hal-hazırda fəaliyyət göstərən mübadilə məntəqələri isə köhnə qaydalarla işləyirlər.
Onların əksəriyyətinin lisenziyalarının fəaliyyət müddəti 2006-cı ilin sentyabrında başa çatır. Yalnız bundan sonra, əgər onlar fəaliyyətlərini davam etdirmək istəsələr, onda yeni qaydalar əsasında qeydiyyatdan keçməli olacaqlar. Hal-hazırda bir çox banklar öz mübadilə məntəqələrinin mübadilə bölməsi statusuna keçməsi üzrə fəaliyyətə başlayıblar.
Yeni qaydaların mahiyyəti valyuta mübadiləsi məntəqələrinin statusunun yüksəldilməsindən ibarətdir və onların bankların bölməsi statusuna yaxınlaşdırılmasını nəzərdə tutur. Qaydalar həmçinin mübadilə məntəqələri əməliyyatlarının bankların əməliyyat sisteminə inteqrasiyası mexanizminin, texnika üzrə tələblərin və onların təşhlükəsizliyinin gücləndirilməsini nəzərdə tutur, "Exchance" əməkdaşlarının peşə hazırlığına tələbləri müəyyən edir.