Azərbaycanda iqtisadi artımın müsbət tendensiyası ölkədə Amerika şirkətlərinin fəaliyyətinin intensivləşməsinə imkan verir. Trend in xəbər verdiyi kimi, bu barədə BISNIS, U.S. Commercial Service şirkətinin nümayəndəsi Kris Kristov (Chris Christov) bildirib. O, 2001-2004-cü illərdə ölkədə ÜDM-nin artımının 10%, 2005-ci ildə 24,6% təşkil etməsini, 2006-cı ildə isə 30% səviyyəsində gözlənilməsini müsbət hesab edir.
"Hökumət qeyri-neft sektoruna diversifikasiya, makroiqtisadi sabitlik siyasətinə əməl olunmasını, korrupsiya ilə mübarizənin və yoxsulluğun aradan qaldırılmasının davam etdirilməsini gözləyir. Buna görə də biz buradayıq", - deyə Kris Kristov qeyd edib.
İndiyədək Azərbaycanda gerçəkləşdirilən layihələr EximBank, OPIC, USTDA (ABŞ) tərəfindən dəstəklənib. O, ölkədəki fəaliyyətlərinin intensivləşdirilməsi mümkünlüyünü qeyd edib.