Almaniyanın KFW bankı AzDRES-İmişli elektrik ötürücü xəttinin inşası layihəsi üçün məsləhətçi seçimi üzrə tenderin elan edilməsi ilə bağlı sənədlər hazırlayır. KFW bankının Bakı ofisinin başçısı Natiq Abdullyaevin Trend ə verdiyi məlumata görə, bank kredit müqaviləsi bağlandıqdan sonra layihənin gerçəkləşdirilməsini sürətləndirmək üçün hazırlıq işləri görür. KFW Azərbaycan hökumətindən müqavilənin şərtləri ilə bağlı hələlik qəti cavab almayıb.
Alman bankı ilk dəfədir ki, Azərbaycan layihəsini yarıkommersiya şərtləri əsasında maliyyələşdirir. Buna görə də kredit üzrə faiz dərəcələri hələ də razılaşdırılmamış qalır.
Ehtimal olunur ki, yarıkommersiya kredit dərəcələri AİB, AYİB, DB (BYİB) faiz dərəcələri ilə müqayisədə rəqabətqabiliyyətli olacaq. Bank üç variant təklif edib: üzən dərəcə (euro/libor), təsbit edilmiş dərəcə (euro/libor) və ödəmə tarixi üçün təsbit edilmiş dərəcə. Hökumətdə hesab edirlər ki, hazırki şəraitdə üzən dərcəyə üstünlük vermək təhlükəli olardı və yəqin ki, imzalanma anı üçün təsbit edilmiş dərəcə seçiləcək. Amma hələlik bu məsələ açıq olaraq qalır.
Kreditin digər şərtləri məlumdur. Kredit 2 ili güzəştli olmaqla 12 il müddətinə veriləcək. Almaniya Federal hökumətinin enerji qənaəti və elektrik enerjisinin effektiv istifadəsi üzrə alman fondunun qrant ayırması sayəsində adıçəkilən enerji layihəsinin şərtləri yumşaldılıb. Belə ki, bankın maliyyəşməsinin bir hissəsi qrantdan ibarətdir. Əks təqdirdə, kredit 8-10 illiyə və yüksək faiz dərəcələri ilə verilərdi.
Layihənin maliyyələşdirilməsinə bank onun bütün dəyərini ödəyərək 30 mln. avro ayırıb.
Layihə AzDRES-dən İmişliyədək uzunluğu 195 km olan elektrik ötürücü xəttinin inşasını nəzərdə tutur. Həmçinin, Goranboyda yrımstansiyanın inşası və 330 kVt gücündə olan İmişli yarımstansiyasının enerji ötürmə sahəsini genişləndirmək planlaşdırılır. Elektrik ötürücü xəttin inşasından sonra elektrik ötürücü xəttin gücü 200 mV-dan 700 mV-dək artacaq.
