2006-cı ilin sonunadək Azərbaycanın Nəqliyyat Nazirliyi təxminən 30 ədəd orta tutumlu marşrut avtobusları almağı planlaşdırır. Trend in xəbər verdiyi kimi, nəqliyyat nazirinin müavini Musa Pənahov qeyd edib ki, hazırda nəqliyyat vasitələri tədarükçüləri, Koreya və Almaniya şirkətləri ilə danışıqlar aparılır.
Onun fikrincə, münasib variantın müzakirəsi başa çatdıqdan sonra ilin sonunadək bu şirkətlərdən biri ilə müqavilə bağlanması planlaşdırılır.
Söhbət 200-dən 500-dək orta tutumlu avtobusların tədarükündən gedir. Bunun üçün maliyyə məsələlərinin həlli tələb olunur. M.Pənahovun sözlərinə görə, bunlar sərnişin daşıma ilə məşğul olan özəl şirkətlərə təqdim olunacaq. 2007-ci ilin əvvəlində ölkəyə çoxlu sayda belə nəqliyyat vasitələrinin gətirilməsi nəzərdə tutulur.
