Azərbaycanın İqtisadi İnkişaf Nazirliyi Milli sahibkarlığın dəstəklənməsi fondu (MSDF) hesabına kreditləşdirilən sahələrin genişləndirilməsi məsələsini nəzərdən keçirməyə hazırdır. İqtisadi inkişaf naziri Heydər Babayev bildirib ki, bu gün MSDF-nin əhatə etdiyi sahələr arasında xidmətlər, o cümlədən sərnişin daşınması xidmətləri yoxdur, ona görə də sürücülər nəqliyyat vasitəsinə görə ödəniş etmək məqsədi ilə kreditin cəlb olunması üçün Milli fonda müraciət edə bilmirlər. Bu barədə Trend xəbər verir.
Onun sözlərinə görə, nəqliyyat vasitələrinin kredit vasitəsilə alınması imkanı sərnişin daşınmaları üçün lisenziyaların etibarlılıq müddətini 5 ilə qədər artırdıqdan sonra genişlənir. O, borcların alınması üçün zəmanətlərin verilməsini məqsədəuyğun hesab etmir, belə ki, bu, inhisara səbəb ola bilər.
"Dünya təcrübəsi göstərir ki, nəqliyyat xidmətləri iqtisadiyyatda ən böyük sahədir, ona görə də bu sahəni Azərbaycanda da genişləndirmək üçün məqbul şərait yaratmağa və bu xidmət növünü MSDF-in kreditləşdirdiyi sahələrin siyahısına daxil etməyə çalışacağıq", - deyə H.Babayev qeyd edib.
Nəqliyyat naziri müavininin sözlərinə görə, sərnişin daşınmalarından büdcə daxilolmaları artmağa başlayıb. Ötən illər əsasən şəxsi nəqliyyat vasitələrinin sahibləri tərəfindən vergilərin ödənilməsi üzrə pozuntular aşkar olunub. Lakin 2006-cı ildən fərqlənmə nişanlarını tətbiq etməklə, gəlirlərin vergi qoymadan gizlədilməsi faktları azalıb. Əgər 2005-ci ildə dövlət büdcəsinə sərnişin daşınmalarından 1 mln. manat daxil olmuşdusa, o zaman 2006-cı ilin 9 ayı ərzində artıq 6 mln. manat yığılıb. M.Pənahovun fikrincə, növbəti illər bu daxilolmaların sayı daha da artacaq.
