Azərbaycan parlamentinə təqdim olunan 2007-ci il üçün dövlət büdcəsində xarici borc üçün limit 1,2 mlrd. manata qədər ($1,4 mlrd.) artırılıb. İlkin variantda bu rəqəm $1 mlrd. idi. 2006-cı il üçün limit $600 mln. səviyyəsində proqnozlaşdırılır.
Maliyyə Nazirliyindən Trend ə verilən məlumata görə, xarici borc üzrə proqnoza yenidən baxılması rezervlərin artması ilə bağlıdır.
Amma layihələrin gerçəkləşdirilməsi ilə bağlı planlar əvvəlki kimi qalıb. Avrobondların ilkin buraxılışını $300 mln. məbləğində həyata keçirmək planlaşdırılıb. Asiya bankı cənub istiqamətində avtomobil yolunun inşası üçün $100 mln., Dünya Bankı isə III magistral avtomobil yolunun inşasına ($150 mln.), ölkənin su təchizatının yaxşılaşdırılmasına ($100 mln.), ticarətin və nəqliyyatın dəstəklənməsi üçün ($100 mln.), Abşeron yarımadasında neftlə çirklənmiş torpaqların təmizlənməsi üçün ($50 mln.), məişət tullantıları zavodunun inşasına ($150 mln.) kredit ayırmağa hazırlaşır. Bunlar hər birinin dəyəri $100 mln-dan çox olan ən iri layihələrdir. Amma kiçik məbləğlərdə kreditlərin cəlbi gözlənilir.
2005-ci ilə qədər xarici borc üçün limit $200 mln. məbləğində müəyyən olunmuşdu. Geniş miqyaslı layihələrlə bağlı təkliflər nəzərə alınmaqla, keçən il limit ilk olaraq iki dəfə, daha sonra isə büdcə proqnozlarına yenidən baxılması nəticəsində üç dəfə - $1,2 mlrd-a qədər artırılıb.
