Azərbaycanın yeni gömrük məcəlləsinin ilkin variantı üzərində iş başa çatıb. "Azərbaycanda gömrük sisteminin təkmilləşdirilməsi" layihəsinin hüquqşünaslıq üzrə eksperti Soltan Hadıyevin Trend ə verdiyi xəbərə görə, sənəd Dövlət Gömrük Komitəsinin müzakirəsinə verilib. DGK sənəd üzrə öz tövsiyyə və rəylərini təqdim etməlidir.
Bundan sonra məcəllənin son versiyası müəyyənləşdirilib. Həmin versiya hökümətin və Milli Məclisin müzakirəsinə təqdim olunacaq.
Bundan əlavə, layihə çərçivəsində Avropa Birliyinin ölkələrindən birinə növbəti səfərin olacağı ehtimalı istisna olunmur.
Xarici ekspertlərin fikrincə, yeni məcəllə Azərbaycanın Avropaya inteqrasiyasına xeyli təsir göstərəcək, gömrük prosedurlarının şəffaflıq və sadələşdirilməsini, xarici sərmayələrin ölkəyə cəlb olunma səmərəliliyini təmin edəcək.
İndiyədək Estoniya və İsveçin gömrük sahəsində təcrübəsini öyrənmək üçün Avropa Komissiyasının vəsaitləri hesabına maliyyələşdirilən və BMT-nin İnkişaf proqramı (UN DP) tərəfindən reallaşdırılan illik layihə çərçivəsində Azərbaycanın gömrük orqanlarının mütəxəssis və nümayəndələrinin bu ölkələrə səfəri təşkil olunub, belə ki, həmin ölkələr Avropa Birliyinin tərkibinə daxildir və müvafiq olaraq AB-nin qayda və prinsiplərinə əsasən gömrük prosedurlarını həyata keçirirlər.
Layihənin dəyəri 900 min avro təşkil edir. Azərbaycanın yeni gömrük məcəlləsinin 2007-ci ildə fəaliyyətə başlaması planlaşdırılır.
