27 nəfərdən ibarət Azərbaycan nümayəndə heyəti aqrar sahənin inkişaf planının hazırlanması sahəsində Türkiyə təcrübəsi ilə tanış olacaq. Azərbaycanın Kənd Təsərrüfatı Nazirliyinin elmi-aqrar sahəsindən Trend ə verilən məlumata görə, daha əvvəl TIKA və UN DP-nin dəstəyi ilə İqtisad universitetində müxtəlif dövlət qurumları, tədqiqat institutları, özəl sektor nümayəndələrinin iştirakı ilə xüsusi treninqlər keçirilib.
Noyabrın 11-də başlayacaq və bir həftə davam edəcək səfər zamanı Azərbaycan tərəfi bu cür planın hazırlanması sahəsində Türkiyə təcrübəsi ilə tanış olacaq, o cümlədən Quba və Kürdəmir bölgələri üzrə hazırlanmış işlərini təqdim edəcək.
Layihənin əlaqələndiricisi eyni zamanda nümayəndə heyətinin tərkibinə daxil olacaq mərkəzin baş direktorunun müavini Eldar Kosayevdir.
Aqrar sektorun inkişafı planları aqrar sektor vasitəsilə müəyyən bölgədə inkişaf, o cümlədən kənd təsərrüfatının vəziyyətini yaxşılaşdırmaqla bu ərazilərdə yaşayan əhalinin yaşayış şəraitinin yaxşılaşdırılması konsepsiyasından ibarətdir.