Dekabrın 8-də Azərbaycan və Dünya bankı arasında korporativ və dövlət sektorunda hesabat layihəsinin hazırlanması üçün (CAPSAP) qrant təqdim edilməsi barədə razılaşma imzalanacaq.
DB-nin Bakı nümayəndəliyindən Trend ə verilən məlumatda bildirilir ki, qrant Yaponiya hökumətinin PHRD fondunun xətti ilə 895 min dollar həcmində təqdim olunacaq.
Azərbaycan tərəfindən qrant razılaşmasını Azərbaycanın maliyyə naziri Samir Şərifov imzalayacaq. Sənəd artıq Dünya bankının Cənubi Qafqaz öllkələri üzrə regional direktoru Donna Douset-Koyrolo tərəfindən imzalanmış şəkildə Azərbaycan hökumətinə təqdim olunub.
Layihənin özünün təsdiq olunması isə 2007-ci ilin birinci yarım illiyində nəzərdə tutulur. Layihənin maliyyələşdirilməsi üçün DB Beynəlxalq inkişaf assosiasiyasının xətti ilə 15-20 mln. dollar ayırmağı planlaşdırır.
