2006-cı ilin yanvar-noyabr aylarında Azərbaycanın ticarət şəbəkələrində 5,1 mlrd. manat həcmində ərzaq malları satılıb, bu isə ötən ilin həmin dövrü ilə müqayisədə 12,8% çoxdur.
Trend Dövlət Statistika Komitəsinə istinadən xəbər verir ki, dövriyyənin 17,5%-i hüquqi şəxslərin, 82,5%-i isə fiziki şəxslərin payına düşüb. Ümumi əmtəə dövriyyəsindən 3,3 mlrd. manatı ərzaq malları, 1,8 mlrd. manatı isə - qeyri -ərzaq malları təşkil edir. Malların hər iki növü üzrə satış artımı 2005-ci ilin həmin dövrü ilə müqayisədə müvafiq olaraq 9,1% və 20,9% təşkil edib. İlin əvvəlindən əhaliyə təxminən 1,2 mlrd. manat həcmində pullu xidmət göstərilib, bu isə ötən i lin həmin dövründən 41,3% çoxdur. Xidmətlərin 74,6%-i hüquqi, 25,4%-i isəfiziki şəxslərin payına düşüb. Hüquqi və fiziki şəxslərə göstərilmiş xidmətlər müvafiq olaraq 45,6% və 30% artıb.
